Вячеслав Павлович Карпов туhунан ахтыы.
Вячеслав Павловичтыын 10-ча сааспыттан билсэр этим. 1988 сыллаахха Таатта5а уэрэнэ, дуобатынан дьарыктана тиийбитим. Онно Вячеслав Карпов Чурапчы, чугас табаарыhа, эмиэ аатырбыт тустуук Илларион Федосеев Таатта хамаандаларын салайан, сыл аайы спорт 6-7 керунэр табаарыстыы керсуhуу тэрийэллэрэ. Ити сыллартан са5алаан Вячеслав Павловиhы кытта билсиhиим са5аламмыта.
Кэлин дойдубар Чурапчыга кэлэн уэрэнэрим са5ана курэхтэhиилэргэ убаастыыр убайбын кытта элбэхтэ илин-кэлин тусуhэр этибит. Дуобат оонньуурун наhаа себулуур этэ. Тереппуттэрим Вячеслав Павлович уонна Татьяна Петровна уэлээннээхтэрэ, табаарыстара буолан куоракка курэхтэhэ киирдэхпинэ, Хабарова уулусса5а, "Прогресс" ма5аhыын таhыгар кыбартыыраларыгар элбэхтэ ыалдьыттыыр, хонор-еруур этим. Ийэлии-а5алыы истин сыhыаннарын иhин махталым мунура суох!
Кыыстарын Айталинаны, уолларын Павелы учугэйдик билэбин. Павлик мин саастыылаа5ым, 1994 сыллаахха Франция5а бииргэ сылдьыбыппыт. Сибээспитин билигин да тутабыт. 1995 сыллаахха Саха Сирин 10 талааннаах дуобатчыт о5олорун Америка Пенсильвания штатыгар 1 ый устата сынньата, куустээх дуобат тренерыгар дьарыктаттара ыыппыттара. Сайдыылаах дойдуга Вячеслав Павлович салайааччылаах, сурдээх учугэй, умнуллубат сырыы буолбута.
Вячеслав Павлович Саха Сиригэр дуобат сайдыытыгар суду кылааттаах дии саныыбын. Ол курдук дуобат федерациятыгар ер сылларга вице-президенынан, Дуобат-Саахымат киинин директорынан ситиhиилээхтик улэлээбитэ. Урдук таhымнаах курэхтэhиилэри тэрийсибитэ. Аатырбыт тустуук, куустээх дуобатчыт, мындыр толкуйдаах, убаастыыр улуу убайым Вячеслав Карпов миэхэ куруутун ис сурэ5иттэн ыалдьара, субэ-ама биэрэрэ, оло5ун тиhэх кэмнэригэр диэри билсэрбит.
Вячеслав Павлович сырдык аата уйэлэр тухары умнуллубатын!
Дуобакка Аан Дойду элбэх тегуллээх чемпиона Гаврил Колесов.